Colexio Luis Vives

Programa AQUAE-STEM

Continuaremos co programa STEM, iniciado o curso pasado, un programa para promocionar as carreiras STEM entre as alumnas, con material manipulativo (Lego, Scratch…), adaptando as actividades á nova situación.
Este ano será para as alumnas de 4º, 5º e 6º de EP.
Empezamos coa solicitude de autorizacións por parte das familias, que deberán entregalas aos titores/as antes do 27 de outubro.

Curso 19/20

A Dirección deste centro acudiu en Santiago á presentación do programa AQUAE-STEM, presentado por D.ª Carmen Pomar, conselleira de Educación, programa no que o centro comezará a participar este ano cos niveis de 2º, 3º e 4º de Educación Primaria durante tres cursos escolares.

Tan só quince centros participarán en toda Galicia, tres deles en Ourense, polo que para o noso Colexio é un gran privilexio ter sido admitidos nesta iniciativa.

Este programa céntrase en fomentar, principalmente nas alumnas, o interese polas carreiras STEM (Ciencias, Tecnoloxía, Enxeñaría e Matemáticas).

Os datos de Eurostat en España demostran que tan só 13 de cada 1000 persoas completan estudos nas materias STEM, dato que contrasta co crecemento da demanda de profesionais para estes campos. Cando falamos de mulleres, as cifras son máis elocuentes: só o 26% destas persoas son mulleres.

AQUAE-STEM, polo tanto, está formado por unha serie de actividades prácticas orientadas a espertar o interese de todo o alumnado, especialmente das nenas, nestas materias, a través da resolución de retos que deberán resolverse mediante deseño, programación informática, construción de prototipos… utilizando a innovación e a creatividade como vehículos para inspiralas.

Curso 20/21

O noso alumnado de 3º, 4º e 5º de EP continúa participando por segundo ano nesta iniciativa para fomentar as especialidades “STEM” entre as alumnas (científicas, técnicas, enxeñarías e matemáticas).
Poderemos votar as fotos das nosas alumnas https://www.fundacionaquae.org/programas-aquae-stem/#31, pero é recomendable entrar na fundación e coñecer os seus interesantes proxectos e dinámicas para alumnado, concursos, premios, xogos, quiz… todos eles relacionados coa ciencia para calquera etapa educativa; ademais do labor de sustentabilidade que expón esta fundación.

Descubre máis sobre os proxectos de investigación en https://www.fundacionaquae.org/educacion/los-proyectos-educacion/

Comparte:
Facebook
WhatsApp
X
Facebook