O noso complexo deportivo cuberto está pensado para promover a práctica deportiva e o benestar físico de todo o noso alumnado. A instalación inclúe unha versátil pista polideportiva que alberga pistas de baloncesto e deportes de rede como voleibol, tenis e bádminton. Esta variedade permite que a escola ofreza un amplo programa de actividades deportivas adaptadas ás diferentes idades e niveis de habilidade, potenciando así o deporte como parte integrante da educación e do desenvolvemento persoal. O deseño do polideportivo garante que se poidan realizar simultáneamente diversas actividades, o que facilita a organización de eventos deportivos e competicións internas, fomentando a participación e a deportividade entre o alumnado.
Ademais, como complemento a estas instalacións, contamos cun ximnasio, que proporciona un espazo adicional para o adestramento físico e a preparación deportiva dos estudantes. Estas instalacións tamén se utilizan para impartir clases de educación física que inclúen rutinas de fortalecemento, acondicionamento e relaxación.
A combinación da pista polideportiva e o ximnasio crea un ambiente dinámico que non só mellora as capacidades físicas do alumnado, senón que lles ensina a importancia de manter un estilo de vida saudable e activo.
